شمئے ردی نه انت: امئیج بئیسڈ ابیوز ئے سرپد بئیگ

‍

امئیج بئیسڈ ابیوزئے سرپد بئیگ: هما راست که هر پاکستانی سروائیوری بزانت

دراجی: 35-45 منٹ (کساس)

سئیشنئے چمشانک 

اے سئیشن امئیج بئیسڈ ابیوزئے سرا چمشانکے دنت و اے گپّا هم گیشّێنیت که په پاکستانی و ڈائسپۆرائے سروایئوران اشیئے مانا چے بوت کنت. ما چار و تپّاس کنێن که کجام چیز امئیج بئیسڈ ابیوز بوتَ کننت، چێا اے هچبر شمئے رَدی نه انت، و هما بُنکّی راست اَنت که شمئے دراهیئے سپرا شمارا کمکّ کت کننت.

‍

اے دو مردمئے نیاما گپّ و ترانی درۆشما نبشته کنَگ بوتگ. پی پێش کنۆک اِنت.

‍

پی 1: سلام. من پی یکّ آں، و اے پی 2 اِنت. منّتوار که شما مرۆچی ادا اێت. اے چینئے سئیشنے، ما انچێن چئیرٹیے اێن که سجّهێن دنیائے تها چه جنڈرئے بنیادا شدّت پسندیا رکّتگێن مردمان کُمکَّ کنت. ما دو هزار و سئیا چه پاکستانا بندات کتگ بله نون ما په هر نێمگئے مردماں سر اێن. مارا دێر انت ٹِک ابیوزئے سرا کارا اێن و گوَستگێن سال و چه آییا و گێش بیت که جنێن، پاکستانئے تها جنڈر کویئیر مردم و هما که چه بُن و بێها پاکستانی انت، بله درانڈێها نِشتگ انت یا همۆدا رۆدێنگ و مزن کنَگ بوتگ انت. اشیارا ما گروپ ڈائیسپئورا گوَشێن. بل تُری پٹ و پۆل پاکستانئے بارئوا انت ما زانێن که چه اشان بازێن تجرُبتے جنوبی ایشیائے تها هم آم انت. و ما دیستگ که مئے جنوبی ایشیائے همکار و کمیونٹیانی باسکان همے چیزّئے جند مارِتگ که چه اشان بازێن چیزّے آیانی زندئے تجرُبتان همتئوار انت.

‍

(مهماندار وتی پجّارا کننت)

‍

پی 2: مارا باز وشّی بئیگا انت که شما گۆش دارگا اێت. ما زانێن که امئیج بئیسڈ ابیوزئے بارئوا هبر کنَگ گران انت. بله ما لۆٹێن که شما چه بنیاد و بنداتا بزانێت؛ که هرچی که گۆن شما بوتگ، شمئے رَدی نه انت.

‍

پی 1: اے راستے. مرۆچی ما امئیج بئیسڈ ابیوزئے بارئوا هبر کنێن که آییئے تها اے هم هئوار انت که کسے شمئے اکس و ویڈیوان بے شمئے اجازتا شنگَ کنت یا شمارا دهمکی دنت که من دگران دئیانِش. یا کَسے اے آییئے کُمکّا شمئے اکسان اڈَ کنت و زانت که اے چیزّ شمارا نُکسانَ دنت. ما هما هاسێن راستان چار و تپّاسَ کنێن که هر سروائیورِش باید بزانت. هما راست که بلکێن گۆن شما دگرئے گوَشتگێن هبران چئیلنج بکننت. اگن شما جنجالێئے تها اێت، مئے ویب سایٹئے chayn.co ڈارکٹریا بچارێت. اگن شما رپۆرٹ کنگئے راه و درانی بارئوا گێشتر زانگ لۆٹێت یا آنلائن مهپوز بئیگ لۆٹێت، مئے Do It Yourself آنلائن سئیفٹی گاییڈا ادا https://www.chayn.co/resources بچارێت.

پی 1: هئو، اے سئیشنئے تها ما اندری چیزّان چارێن که اے ابیوزا مارا چۆن اسر کت کتگ ات. اے بلکێن گرانێن مارشت و ترانگ بیاریت. پلیز هر هئیالداریے که شمارا پکار بیت، بکنێت. شما هر وهدا لۆٹت، مهتَل بوت، دم کت و کنێت و هما وهدا که شما گیشّتێت، آتکَ کنێت. شمئے سلامتی چه درسان گێش مانا داریت.

‍

پی 2: بیااێت چه هما جستان بندات کنێن که مااش هۆریگا چار و تپّاس کنێن. مئے کمیونیٹیانی تها امئیج بئیسڈ ابیوز کجام رنگا انت، تُری پاکستانئے تۆک ببیت یا چه پاکستانا ڈن.

و اے مارا و مئے فئیملیان چۆن اسرمند کنت؟

‍

پی 1: اگن اے گۆن شما بوتگ، شما بلکێن وتارا جست کرتگ، گۆن من چۆ پرچا بوت؟ اے گۆن مئے چپّ و چاگردئے جنێنان چێا بیت؟

‍

پی 2: ما یکدومیارا چۆن تسَلّا دات کنێن؟ ما چۆن کمکّ در گێتک کنێن؟ و گڈسرا، کجام راست مئے دراهیئے بارئوا تسَلّا بوتَ کننت؟ کجام چیزّان یات بدارێن؟

‍

پی 2: بیااێت چه اشیئے سرپد بئیگا بندات کنێن که اسلا امئیج بئیسڈ ابیوز چێے؟ بازێن مردمے سرپد بیت که امئیج بئیسڈ ابیوز تهنا برهنگێن اکس و سکشوَل اکسانی بارئوا انت. اشیئے تها ٹِک کمپنی و سرکار هم هئوار انت. هاس مگربی مُلکان. بله راست چه اشان باز مستر انت. و ما اشیا زانێن چێا که پاکستانی و جنوبی ایشیایی مردمئے هسابا، ما مدام وتی ننگ و ناموسئے پاسپانێئے درۆشما رۆدێنگ بوتگێن. مئے آستونک چینچُک لُکّ انت؟ مئے گُٹ چینچُک پراه انت؟ مارا گشان سرا اگن انّه؟ مارا پرچا جینز پادا؟ ما اگن گۆن سنگت و همکاران ڈنّا رئوَگا اێن، گڑا دلجم ببێن که هچّ اکس گِرگ مبیت و اگن گِرگ بوت، گڑا سئوشل میڈیایا اێر کنَگ مبنت، چێا که مردم چے گوَشنت؟ هاس اگن اے شپێا انت! برے برے انچۆ لگّیت که پوره مئے سرگئے تها اندێمێن ندارهچارے هست انت که املهئے وڑا گوَشگا انت که ما چے بکنێن. و اے هم که هرچی بوت، ردی مئیگ انت.

‍

پی1: تئو بلکل راست گوشئے. و مردم، آیانی هاندان، و آیانی کمیونٹیئے بنیادا اے رهبند مٹ هم بنت. اے پرائیوئیٹ جاگها اکس کشّگ چُشکه لۆگئے تها یا وتی تهتئے سرا یا هنّی بندێا ناچ یا بار یا پبّێا دیوان یا جشنێا رئوگ (بل تُری تئو شراب نئورگا ئے). یا اے گۆن مردێنێا اکسے هم بوت کنت که سیاد و نزّیکێنے نه انت.

‍

پی 2: برے برے وه اے مردمئے جندئے اکس هم نه انت. ما چُشێن کێسانی بارئوا هم اشکتگ که گپ و ترانانی اسکرین شاٹ هم شنگ کنَگ بوتگ انت. یا اۆدا لس اکسے  گۆن تچکێن سکشوَل کئیپشن یا گۆن گاناهێا که آییئے سرا اێر کنَگ بوتگ، شنگ کنَگ بوتگ. یا مٹ کنَگ و اِڈٹ کنگ بیت گنتر تاوانبار کنگئے واستا.

‍

پی 1: چه درسان اژدریێن چیز که مردم سرپد ببیت اش انت: اکسێارا چیزّے که "جنسی" یا "زاتی" کنت آ چیزّ اکسئے جندئے تها مان نه انت. آ اش انت که بارێن تئو آییا شنگ کنَگ لۆٹئے یا انّه. اے تئیی اجازتئے هبر انت. تئیی رزائے. اگن تئو پاکستانی ڈائسپئورائے بهر ائے یا انچێن مُلکێا نشتگئے که اۆدا ننگئے بارئوا دۆد و ربێدگی امێت یا راستی جتا انت، کسے بلکێن گوَشت کنت که تئو ابیوز تجربت نکرتگ چێا که تئیی هما لیک بوتگێن اکس یا هماییئے سرا که ترا دهمکی دئیگ بوتگ، آییئے تها برهنگی مان نبوتگ.

‍

پی 2: بله اے اشیئے بارئوا نه انت. یک انچاێن اکسے که تئو وتی وڑا کسێئے سرا دێم داتگ، اگن آ بے تئیی اجازتا دێما شنگی بکنت، آ زاتی بیت. خلاف ورزی برهنگیئے بارئوا نه انت. اے مردمئے رزائے هبر انت. اگن کسے دێما دێمی دنت، دێم دئیگئے دهمکیا دنت، یا تئیی اکسان هر پئێمێن چیزّێئے که تئو منّۆک نبوتگئے، کارمرز بکنت، اے امئیج بئیسڈ ابیوز انت. 

‍

پی 1: ما زانێن که مردم بلکێن اے ڈسکشنئے نێمگا گۆن رزائے جتاێن سرپدیان بیاینت. اشیئے تها شرمندگ بئیگی هچّ مان نێست، اے انچێن چیزّے که ما وتی دۆد و ربێدگئے تها اشیئے بارئوا بازێن هبرے نکنێن. یا اگن ما کنێن، اے گێشتر هراب زورگ بیت.

‍

پی 2: گێشتر زاتی کساسا، ما بلکێن جنسی هدّ و سیمسرانی یا منّگئے سرا چه کسانێن امرا وتی هاندانانی، اسکولانی، یا وتی دۆستانی نیاما هبر نکرتگ. بله، انگته، ما کلئوانی بمبانی چێرا دئیگ بێن، هما چیزّانی بارئوا که ما منّتگ انت، تهنا بس اے واستا که ما اے بدنئے تها هست اێن. مارا بلکێن اے وڑ گوَشگ بوت که شما وتارا سکشوَلاییز کتگ، چێا که لهتێن هاسێن گُد گوَرا کتگ یا بس اے واستا که مارا جسمی وجودے هست.

‍

پی 1: جنێنانی سرا چُشێن سکشوَلاییزئیشن گێشتر په زۆر مُشگ بیت، و هاس کسانێن جنّکانی سرا. ما، انچش که مدام گوَشتگ، په دلێری گوَشت کنێن: امئیج بئیسڈ ابیوز شمئے رَدی نبوتگ. شما اے داوت نداتگ. گۆن شما باید اِنت چۆ مبوتێن.

‍

پی 2: گڑا رزا فئیمنسٹی رنگێا چۆن چارَگی اِنت؟ رزا لازم گۆن آزاتیا دئیگ ببیت. اے دگه لبزانی تها، مئے سرا کسّی هچّ وڑێن زۆر، چپّ و چۆٹی، دهمکی یا زبردستی مبیت.

‍

پی 1: په وتی رزائے دئیگا ما باید سرپد ببێن و دلگۆش بکنێن. رزا انچێن وهدا دئیگ نبیت که مردم نشه انت، واب انت، یا ترندێن دئوا و درمان یا بێهۆشیئے هالتا انت. اگن کسے مئے اکسے گیپت که ما سورێئے سرا ناچا اێن یا گۆن دۆستان کندگا اێن یا وتی سیادێئے لۆگا وپتگێن و مارا هال ندنت و اکسے گیپت، ما اِشیئے رزا نداتگ.

‍

پی 2: رزا هم هاس انت. په یکّ چیزێا هئو کنَگ، چۆ که امبازگ و دستئے گرگئے مانا اے نه انت که ما جنسی کارانی واستا رازی اێن. اشیئے مانا اش انت هم که ما بازێن کارێئے بارئوا پێشترا باز بران 'هئو' کرتگ، ما انگته اے رندی 'انّه' کت کنێن. شما بلکێن وتی دشتارئے سرا وتی انچێن اکسے دێم داتگ که شما جتا جتاێن گُد چارگا اێت که چۆن لگّنت. آییا بلکێن ترا جُست کتگ که آ وتی دۆست یا گهارئے سرا دێمی دات کنت. بله آ چه وتا اے پئیسله کت نکنت که تئیی زاتی اکسان دێما دێم دات کنت.

‍

پی 1: رزا واپس زورگ بوتَ کنت و ما هر وهدا چه آییا دسکشّ بوتَ کنێن. بل تُری من په چیزّێا ائولسرا 'هئو' کتگ، ما رندا 'انّه' کت کنێن. مارا اے اجازت هست که اِنت مئے زهن مٹ ببیت. سورێئے سرا اکسکارێارا بلکێن مئے اجازت ببیت که په فئیملی البمبا مئے اکسان بگیپت. اشیئے مانا اے نه انت که آ اکسان په هرکسا پۆسٹ بکنت، بها بکنت یا هر هما جاگها که آییئے دل لۆٹیت، دێمش بدنت.

‍

پی 2: رزا هال دئیگ بیت. ما لازم سرپد و سهیگ ببێن که چے بئیگا انت یا چے بئیگی انت. اگن کسے په هُنپ چه ما 'هئو' کناێنیت، اے رزاے نه انت.

‍

پی 1: منّگ گۆن آزادیا هم په همایان دئیگ نبیت که یکدومیئے  سرا واک و اهتیارِش هست و آ زۆر و واکا کارمرز کنَگا انت. اے مئے کارمستر بوت کنت، پرۆفئیسرے که مئے گرئیڈ آییئے دستا انت، مسترێنے، یا هرکسے ببیت که وتی اهتیارا مئے سرا کارمرز کنت و مارا بێوارێن اهساسے دنت.

‍

پی 2: رزا مدام زبانی نه انت، و بێتئواریئے مانا هچبر 'هئو' نه انت. بچکندے، جزباتی نبئیگ یا تهنا بس انّه نگوَشگئے مانا اے نه انت که مردما وتی رزا داتگ.

‍

پی 1: رزائے سرپد بئیگ، مئے امان و اے زانگ که وتی جندئے هپازت کنَگئے راه هست، مهکمیے بوت کنت، و پرزۆرێن چیز هست که ما په وتا کُتش کنێن. گڑا بیااێت اے سجّهێن چیزّان پدا په امئیج بئیسڈ ابیوزا کارێن.

‍

پی 2: ما په وتا اشیا یک رندے پدا گوَشگ لۆٹێن: مارا درسانا وتی اکسئے سرا هکّ هست. اشیا چه ما کسّ پچ گپت نکنت.

‍

پی 1: ما چه هما درسێن کسّهان زانێن که ما چینئے سرا اشکنێنِش، بچار اے هما هال یا مئے وتی جندئے تجربت انت که ابیوزر هما کس انت که آییا گۆن ما رومانٹک لنکے هست چۆ که زندئے همراه، مرد، دشتار، پێشتری مرد یا کسے که ما آییارا انکار کرتگ. آ بلکێن مئے اکسان کارمرز بکننت تانکه مارا هما سیادیے که مارا گۆن آیان بوتگ چه آییئے کُٹگا پد کنٹرۆل کرت بکننت و دهمکی بدئیئینت یا نکسان دات بکننت.

‍

پی 1: بله اے تهنا نزّیکّێن مردمے نه انت. ابیوزر همکارے بوت کنت، همساهگے، پجّارۆکے، کزنے، پێشتری دۆستے، وسّیگ و وسرک، سیاد و وارس یا سرجما درامدے. بدبهتیا، مئے چاگردئے تها، سور و سانگئے رشتهئے تها جلّگ یک شرپمندێن جنێنێئے چه درسان هاسترێن پرز زانگ و چارگ بیت، و په جنێن و آیانی فئیملیان داگئے لگّگ سکّ مهکمێن ٹئیبوے. ترو و ناکۆ جنێنانا دهمکی دئینت و بلئیکمئیل کننت اگن آ چه ابیوز یا سورێا چُٹگئے جهدا بکننت و آیانا دهمکی دئیگ بیت که ما شمئے اکس و ویڈیوان شنگ کنێن. جنێن بێتئوار بنت. سُهنان نلۆٹنت. لۆگئے مردمان هالَ ندئیَنت که چے بئیگا انت و اگن هال بدئیَنت هم، آ بلکێن رازی کنَگ ببنت که بێتئواریا بنندێت و وتی کسمت و تکدیرئیگان کبول بکنێت. مارا گێشتر گوَشگ بیت "کسمت وه هدایا اڈ کتگ"، انچۆ که پوره مئے سجّهێن زند ابیوز سگگ کرزیت.

‍

پی 2: هئو، و ما اشکنێن "هما که الله بلۆٹیت یا ربّئے رزا انت" انچۆ که پوره هما مردم که مارا ابیوز کننت و ملامت کننت آیانا وتارا هچّ پئێمێن زمّهواری نێست و آیان هساب و کتاب پر نێست. اشیئے مانا انت که چه ما لهتێن بێتئوار بیت، ترسێن که اگن اشیارا گێشتر دێما بئیارێن مانا اش انت که ما تئورِناکێن هبر اشکنێن و اے مارا گێشتر تهنا کنت. و گێشتر، ما کێس گندگا اێن که ابیوزر سرجما درامدے. انچێنے که اکاوونٹے هئیکی کتگ، اکسی دیستنت یا جنێنانا چه ان نئونێن نمبران بلئیک مئیل کنَگ. لهتێن ابیوزر نون سرجما درۆگێن اکس اڈ کننت که آیان ڈیپ فئیک گوَشنت که اسل لگّنت. آ کسێئے سکشوَل یا هرابێن اکس جۆڑ کت کننت که آییئے هچبر وجودے نبوتگ. سئوشل میڈیا، و وٹساپا سکّ آسان کتگ که اکسے دور دورا سپر کنان و شنگ و تالان ببیت.

اے سکّ باز تئورِناک انت چێا که هما چاگردانی تها که ننگ و ناموس المّی انت، چه اے آییا اڈ کتگێن اکسے هم انچێن آسرێا سر کت کنت که اسلی اکسے. مردم بلکێن باور مکننت که اے درۆگێن اکسے. و باز بران چُشێن اکسێئے افواهے هم بل تُری اکس اسل ببیت، اگن درۆگ، همینچُک کمشرپی زانگ بیت که سکّێن بدێن آسر و انجامے بیت. و بازێن سروائیورے بلئیک مئیل کنۆکانا سالانی سال زر دنت، همے ترسا که مئے اکس شنگ کنَگ مبنت.

‍

پی1: اشیئے سرپد بئیگ المّی انت چێا که باز بران مردم گوَشنت "تئو وت شرّیا بزانتێن" یا " تئو آیانی سرا باور چێا کت؟" بله ابیوزر هرکسے بوت کنت.

‍

پی 2: هتّا که انچێن مردم که ما سۆچ کتگ که ما آیانی سرا برۆسه کت کنێن. هتّا که هما مردم که مارا دۆست انت. هتّا که هاندانئے مردم. آ انگته ابیوزا گچێن کننت،  شمئے رَدی نه انت.

‍

پی 1: بله اے چێا بیت؟ مردم چێا چۆ کننت؟

‍

پی 2: امئیج بئیسڈ ابیوز په تاوان دئیگا انت: مارا بێتئوار کنَگا که ما هبر مکنێن؛ مئے همّت یا مهلوکئے دێما مئوجودگیئے تنچگ و نزّ آرگا؛ مئے نامئے هراب کنگئے دهمکیئے وسیلها مارا شرمندگ کنَگا؛ دور کنَگ، چه لۆگئے مردم، دۆست و همکارا دور و گستا کنَگ؛ مهکمێن سِلَهبندی، اکسانی په مسلسلێن رابتها مجبور کنَگئے واستا کارمرز کنَگ؛ په زرّئے کشّگا؛ و په جنسی سُکونا. اے کار و کرد باز تل مان تل بنت و یکدومیا مهکم کننت.

‍

پی 1: اے انچێن چاگردێا نندگئے سرا کئیت که مردێنئے زۆرئے چپ و چاگردا بندگ بوتگ، انچێنے که جنێنئے جسم و گچێنان کنٹرۆل کنت و مئے ارزشتا گۆن شرَپ و ننگئے لێکهان گُک دنت.

‍

پی 2: ابیوزر مئے اکسان سلاهئے وڑا کارمرز کنَگ، په زرّا، تاکت، بێر، مارا بێتئوار کنَگا، کنٹرۆلئے برجاه دارگا و مارا و مئے لۆگئے مردمانا شرمندگ کنَگا وتی هکّ سرپد بنت. بله ابیوز مدام همایانی گچێن اِنت و هچبر شمئے رَدی نه انت. و شرمندگی همایانی انت، مئے نه انت.

‍

پی 2: بیااێت ادا کمّے دارێن. ما هبرا بوتگێن که امئیج بئیسڈ ابیوز چێے و اشیا کئے کنت. چه اشیا پێش که ما دێما برئوێن، بیااێت هۆریگا دم کنێن.

‍

پی 1: اگن شما لۆٹێت، شما دما تان چار سکنڈا تها کشّت، تان چارا داشت و چارا ڈنّا کشّت کنێت. بیااێت اشیا هۆریگا کنێن. من په شما هساب کنان. دما تها برێت. یکّ، دو، سئے، چار. نون وتی دما بدارێت، یکّ، دو، سئے، چار. نون ما آست آستا دما ڈَنا در کنێن. یکّ، دو، سئے، چار.

‍

پی 2: نون، ما گرانێن بنگپّێئے نێمگا رئوێن؛ سروائیورانی سرا اشیئے اسر. ما زانێن که اے بلکێن گۆش دارگا گران ببیت، بله اے الّمی انت که ما هما چیزّ که بئیگا انت، آیانی ناما بگرێن.

‍

پی 1: پاکستانی فئیملیانی تها، امئیج بئیسڈ ابیوزئے آسر سکّ هراب بوتَ کننت. آ چه زاتی پرێشانی یا شرمندگیا سکّ باز دێما شُتَ کننت. سروایئورانی هاندان جێڑهانی دێمپان بنت، آیانی نام هراب بیت، چه وتی کمیونٹیا سِدنت، آیانا گوشگ بیت که گۆن کئیا دۆستی بکنێت یا مکنێت، آیانی فئون پچ گرِگ بنت، چه کارا یا وانگا کشّگ بنت، زۆرے سور دئیگَ بنت، نکسان دئیگ و هتّا که گئیرتئے ناما کُشگ هم بنت. و ما درسان چُشێن کسّه اشکتگ. اگن آ ڈائیسپئورها انت، پاکستانا واتر دێم دئیگ بنت که اۆدا مات و پت زاننت که آ چه هر وڑێن کانونی و کمیونٹی کمکّا سندگ بنت که آیانا چه هما مُلکا رِست کنت که اۆدا آ رستگ و مزن بوتگ انت. و ما درس جنێنانی کسّهان زانێن که آ چه اے هتران گوَستگ انت و جنێن که کُشگ هم بوتگ انت.

‍

پی 2: چه ما چینچُک پابندیئے دێمپان بوتگ یا وتی آزاتیئے دێما رکاوٹانی سئوبا وتی پت و ماتانان یا وتی مردێنێن سیادانا هچبر هالِش نداتگ، وهدے کسے آیان تُرسێنگا بوتگ؟  ما زانێن که اے دێم په آیانی لۆگا بند بئیگ یا فئونئے سرا پابندی یا وتی دۆستانی گندُک و ملّگا دارگ بئیگئے نێمگا شُتگ ات. سجّهێن هاندان چۆ ری ایکٹ نکنت چُشێن هم هست که آیانی پت و برات تسَلّا دئینت، بله اپسۆز که ما زانێن اے چه ما سکّ بازئے تُرس انت. 

اے ترانئے تها، ما دراهیئے بارئوا هبر کنگا اێن، بله اگن شما جنجالێئے تها اێت، مئے ڈارکٹریا chayn.co  ویبساییٹئے سرا بچارێت.

‍

پی 1: اے اشکنگا سکّێن پرێشانی و ترسئے هبر انت که اے اسر چینچُک دور و شاهگانیا شنگ بوت کننت. اے پمێشکا چُش انت که بازێن کمیونٹیێئے تها ننگ هرکسی هسابا چارگ بیت. وهدے یکّ چیزّے گۆن یک مردمێا بیت، هاس گۆن جنێنێا، اے مئے سجّهێن هاندانئے ننگ و نامئے سرا اسرێئے درۆشما چارگ بیت. سیاد هئوار بنت. اے "گئیرتئے" بار کساس سرجما جنێنئے سرا کپیت. هالانکه شما اے هالت پێدا نکتگ، هالانکه شما وتی اکسانی شنگ و تالان کنَگئے رزا نداتگ، شما بلکێن مئیاریگ کنَگ ببێت. و چاگردی ججمنٹ تێز و ترند بیت. مهلوک بلکێن هلوَت و سُک سُک بکنت، گۆن شمئے هاندانا نزّیکی مکنت گۆن، گۆن شما دگه وڑ ببیت. همے سئوب انت که بازێن جنێنے سکّێن هرابێن آسرێئے دێمپان بیت، چه هاندانی نێمگا.

‍

پی2: و تان ادا، ما تهنا هما اسرانی بارئوا هبر کتگ که سروائیورا چه اے دگران بنت، ادا زهر گرِگئے، پشۆمانیئے و شرمندگیئے مارِشت هم هست انت، ما تها اێرِش برێن و سۆچ کنێن که اے مئے ردی انت که گۆن ما چُش بوتگ و اے که ما وتی هاندانئے نام بنام کرتگ. ما هما سئوب بئیگ لۆٹێن که مئے سئوبا مئے مات و پتانی سر بُرز ببیت و وهدے مارا گوَشگ بیت که آیانی سر شرمندگیا جَهل انت، ما مئیارا وتی کۆپگان زورێن. بله اے مئے ننگ نه انت که ماای کۆپگا بکنێن. برۆسه کنَگ مئے ردی نه انت، زند گوَازێنگ و گل بئیگئے واهگ مئے ردی نه انت.

‍

پی1: ما زانێن که اے چینچُک گران انت، تسَلّا نرسگ، باور نبئیگ، هما وڑا مهپوز مهسوس نکنَگ که شما باید ببێت. شما کمکّ کرزێت، سزا اِنّه. شما باور بئیگ کرزێت، مئیاریگ کنَگ اِنّه. شما هپازت کرزێت، یله کنَگ اِنّه.

‍

پی 2: شرمندگی هما مردمئیگ انت که شمئے پرائیوسی و رزائے کدری نکتگ. شمئے نه انت.

پی 1: نون، امیئج بئیسڈ ابیوز تجربت کنگ سکّێن گرانێن جزبگ ودی کنت. و ما لۆٹێن که همایانی ناما بگرێن، چێا که برے برے بس همے زانگ که هما چیزّان که ما مارگا اێن، دگه کسے هم همے وڑ انت گۆن، وڑے نه وڑێا کمکّ کنت.

‍

پی 2: ما بلکێن بترسێن، پجّارگ بئیگئے کرّا ترسێن که چے بیت وهدے مردم سهیگ بنت مئے اکسانی بارئوا که دێما کاینت. ترس مئے بدنئے تها هم اێر نندیت، چۆ که مئے لاپئے تها گُکّێئے وڑا وهدے مئے فئون تئوار کنت یا مئے دلئے دریکگ تێز بنت، وهدے ما کَسے گندێن که اکس گرگا انت.

‍

پی 1: ما بلکێن شرمندگی یا پشۆمانی بمارێن، هالانکه اے مئے ردی نبوتگ. اے مارشت گێشتر چه هما کلئوان کاینت که ما وتی اندرا جاگه داتگ انت که چه وکٹم بلئیمنگا کاینت. 

‍

پی 2: ما بلکێن بمارێن که ما درۆهگ بوتگێن، هما مردما مارا درۆهتگ که مئے اکسی شنگ کتگ انت، چه هما فئیملیا که مارا تسَلّای نداتگ، و چه هما سِسٹما که مارا مایوسی کتگ.

‍

پی 1: و ما بلکێن بمارێن که ما زهر گپتگێن. ابیوزرئے سرا زهر گپتگێن، هما آسرانی سرا که ما در گێجگئے جهدا اێن، اشیئے سرا که اے سجّها چینچُک هراب انت.

‍

پی 2: اے سجّهێن مارشت بجا انت. هچّ "شرّێن" وڑ نێست که مردم ابیوزا پد باید چُش بماریت.

‍

پی 1: نون ما اے هم منّگ لۆٹێن که هتّا که مردمانی لهتێن گروپ مسترێن رِسکان هم دێمپان بیت.

‍

پی 2: مسالے، کوییر جنێن، ٹرانس جنێن و هما که جنڈرئے هچّ کالبا نئیاینت، گێشتر ٹارگٹڈ هراسمنٹئے دێمپان انت. آ بلکێن گۆن وتی پجّار یا سکشوَلٹیئے بارئوا ترسئے آماچ ببنت که بے آیانی رزایا زاهر کنَگ ببیت و گێشتر تکلیپ و جنجال کنَگ ببنت. اگن آ انچێن جاگهێا انت که کانون په آیان اشیا جرمے بکنت که آ کوییئر انت، گڑا اے تهنا ابیوز و دهشت نه انت که آ چه وتی کش و کرّئے مردمان یا آنلائن دێمپان انت، آ کانونی آسران هم دێمپان بوتَ کننت.

‍

پی 1: اے سرکاری اداره و کانون اڈ کنۆکانا هما مهپوزێن جاگه بئیگا نئیلیت که په آیان کمکّئے گرگا رئوگ ببیت، و چه کمیونٹیا کمکّ رسگ گران و هترناک بئیگ، اے سکّ گران انت چێا که کمیونٹی سپئورٹ چیزّان مٹ کت کنت، زند رکّێنۆکێن تجربتے بوتَ کنت. ما اشیا هم زانێن که کسانێن جنکّ چه آیانی همراه یا پێشتری مردا بازێن برێا رازی کنَگ، بلئیک مئیل کنَگ  یا دهمکی دئیگ بنت. آ بلکێن بمارنت که آیانی واستا هچّ مهپوزێن جاگهے نێست که اۆدا شُت بکننت.

‍

پی 2: و چه کوچگ یا تنک نزرێن بێهان سیادی دارۆکێن جنێن ترندترێن آسران دێمپان بنت چێا که دۆد گْران انت و په انساپا رَسگ کمّ انت. اگن شما چه پاکستانی مزهبی یا آزار رستگێن مناریٹیێا سیادی دارێت، گڑا چه مُلکا در کنَگ بوت کنێت، اگن شما افگان اێت، یا تهنا یک کفرئے بهتامێئے مانا دمانا دمانێن مرگے، هچّ سبوت پکار نه انت، گڑا چُشێن دهمکی هترناک انت.

‍

پی1: اشیئے مانا اے نه انت که هرکس ابیوز کرزیت. اشیئے مانا اش انت که ما لهتێنا گێشترێن بار بڈّا په اے بنیادا که ما کئے اێن و کجا نِشتگێن.

‍

پی 2: و اے سجّهێن تجربت اسل و هاس انت. تُری تئو مێتگێا ئے یا شهرێا، تئو ورنا ئے یا پیر، تئو اسٹرئیٹ ئے یا کوییئر، تئیی تجربت انت که مانا داریت. اگن تئو انچێن ملکێا ئے که اۆدا تئو منارٹی ئے، تئو بلکێن پرێشان بئے که تئیی استاد، دۆست، و هتّا که کانون اڈ کنۆکێن اداره هم سرپد نبنت که تئو چێا اے ابیوزئے دێمپان ئے یا تئیی هاندان ترا تسَلّا دئیگا نه انت، چێا چۆ بئیگا انت. ڈائسپئورهئے بهرے بئیگا تئو دوسری رکاوٹا دێمپان بئے، نه ترا کمیونٹیئے تها کمک رسیت و نه ڈنّا.

‍

پی 1: بیااێت نون هما رکاوٹانی بارئوا هبر کنێن که سروائیور آیانی دێمپان بنت وهدے آ کمکّ گرگئے جهدا کننت. چێا که بدبهتیا، کمکّئے شهاز کنَگ وتی تها وت چئیلنجے بوتَ کنت.

‍

پی 2: بازێن سروائیورے داگ و ترسئے دێمپان بیت. ما بلکێن چه وتی هاندانئے یا کمیونٹیئے نێمگا سزائے بارئوا پرێشان ببێن که اگن ما هبر بکنێن گۆن ما چۆ بیت.

‍

پی 1: مئے دۆد و ربێدگئے تها پولیسئے کرّا رئوگ انچێن چیزّے که "شرپمندێن " هاندان اے کارا نکننت، هاس اگن اشیئے تها جنێنێئے نام هئوار انت. ڈومِسٹک وائیلنس؟ پولیسئے کرّا مرئو. سکشوَل اسالٹ؟ پولیسئے کرّا مرئو. پدا دگه سروائیورانی کسّه هم هست انت که مئیاریگ کنَگ بوتگ انت، که مئے چێرێن هبرِش پاشک کتگ انت، و آیانا نۆکێن ٹرامائے تها دئور دئیگ بوتگ. انچێن کێس که پولیسا ابیوزر لۆٹاێنتگ یا سروائیورئے هاندان وهدے سروائیورا پولیسارا گوَشتگ که من چێرُکایی شمئے کرّا "هبرا" پێداک آن. اے درسانی مانا اش انت که چه گێشا گێش سروائیور وتارا اێوک مارنت و کانون اڈکنۆکانی سرا برۆسه نکننت.

‍

پی 2: بازێنے سئوشل میڈیا پلئیٹفارم و ویبتاکان رئوت و هما اکسان رپورٹ کنت که بے آیانی رزایا شنگ بوتگ انت. بله اے مدام چۆ تچک نه انت. اے بلکێن سرپدیێن کارے ببیت بله گۆن ما گێشتر چۆ بیت که پلئیٹفارم کار نکنت. مارا گوَشتگ بیت مئے اکس کمیونٹیئے رهبند یا کانونی دائرهان هراب نکنَگا انت. 

‍

پی2: ما بلکێن سکّێن گرانێن پرێشانیێئے دێمپان ببێن.: په کانونی کێسێا سبوت سمبالَگئے زلورت، بله گۆن سکّ باز پرێشانیا اے هم لۆٹگ که اے نکسان دئیۆکێن چیزّ زوتّ دور کنَگ ببیت.

‍

پی1: و هر دو، پلئیٹفارم و کانون اڈ کنۆکێن ادارهانی کار سُست و بێرهبندێن پراسسے. اے دێر کنَگ هتر و نُکسا گێش کت کنت. اے درسێن چئیلنجانی مانا اش انت که ما گڈسرا انچۆ مارێن که ما اێوک اێن و چه رپۆرٹ کنَگا دلپرۆش بێن. و بلکێن چُش هم ببیت که شما رپۆرٹئے جند کنَگ ملۆٹێت، شما بلکێن بس همے بلۆٹێت که اکس گار ببیت. یا شما همے لۆٹێت که ابیوزرۓ آسر و انجام انچۆ ببیت که گۆن دگه کسێا چُش مکنت.

‍

پی 2: هر دوێن سورتان، اے سسٹمئے ناکاره بئیگ انت، هما سسٹم که باید مئے پاسپان ببیت. امئیج بئیسڈ ابیوز بنیادی درۆشما مئے دلئے مارشتا هم مٹ کنت که ما وتی جسمئے تها چۆن مهسوس کنێن و ما وتارا چۆن چارێن. وهدے مئے زاهری درۆشم مئے جندئے هلاپا سلاهێئے ڈئولا کارمرز کنَگ بیت، چه ما لهتێن بلکێن چه وتی جندئے بدنا بێوار ببیت. ما بلکێن وتی زاهری درۆشما مٹ بکنێن، مودانی رنگ، وزن، گُد، مئے نام یا هتّا که مئے سئوشل میڈیا پروفایلا هم، گۆن همے اُمێتا که پجّارگ مبێن.

‍

پی 1: دگه بازێنے بلکێن آدێنکئے چارگ یا اکس گرگ سرجما بند بکنت. ما بلکێن سرجما گۆن وتی نام نهاد 'نامکملّیانی' سرا دلگۆشا گوَر بکنێن یا انچۆ بمارێن که پوره مئے جسما مارا وڑے نه وڑێا درۆهتگ.

‍

پی2: و ما بلکێن سکّ جهلانکیا وتی زاتئے کدرئے بارئوا نادلجم ببێن، وتی زاتئے سرا، وتی ججمنٹ و وتی پئیسلهانی سرا برۆسه مکنێن. ابیوز مئے پجّارئے جندا ژاملێنت کنت.

‍

پی 1: بله شمئے جسما هچّ ردی نکتگ. شمارا هما اکس گیشّێنت نکنت که دگه کسێا شنگ کتگ انت. شما چه اے ابیوزا سکّ باز گێشتر اێت.

‍

پی 2: و گۆن وتی جندا هما سیادیئے پدا جۆڑێنگ، گۆن وتی جسما، گۆن وتی ازّتِ نپسا، گۆن وتی پجّارا، دراهیئے سپرئے بهرے. اشیا وهد لگّیت، و هچّ مسلهے نه انت. 

‍

پی 1: په بازێن سروایئورێا امئیج بئیسڈ ابیوزا پد مردمانی سرا باور کنَگ گران بیت، و اے سرجما سرپد بئیگی هبرے.

پی2: وهدے کسے مئے پرائیوێسیا هراب کنت، اے انچێن مارشتے که ما دگه کسێئے بارئوا همّت کت نکنێن. ما بلکێن نۆکێن سیادیانی سرا بێباوری پێش بدارێن، گئیرمهپوز مهسوس بکنێن که ما چۆن زورگ بێن، و کمک زورگ هم په ما گران بوت کنت.

‍

پی1: مئے زهنئے تها بلکێن جست پر بترّنت.: اے مردم منی تها چێا دلچسپی زورگا انت؟ اے منی اکسان شهاز کننت؟ ما اشان کدی گوَشان گۆن که چے بوتگ؟

‍

پی 2: بله پدا باورێئے اڈ کنَگ مُمکن انت، مئے وتی جندئے وهدئے تها، گۆن مردمان که چه وتی کردان پێشَ دارنت که آ مئے هدّ و سیمسرانی کدرا کننت.

‍

پی 1: بله ادا ما پُرامێتێن چێزے شێئر کنَگ لۆٹێن. اے سجّهێن چئیلنجان ابێد، ما مزاهمت، وتواکی و کمکّئے بازێن کسّهے اشکتگ.

‍

پی 2: بازێن سروائیورے وکٹم بلئیمنگا نزورگا انت، چه اے گپّا انکاری انت که اے گپّئے زمهوار ما وت اێن که مئے اکس اے وڑا کارمرز بئیگا انت.

‍

پی1: لهتێن سروائیورا هاندان و دۆستانی بارئوا هم بئیان کتگ که آیان چۆن تسَلّا داتگ انت، آیانی سرا باورِش کتگ و آیانا بے ججمنٹێا کُمکئے شهازگا مدتِش کتگ. ما اشیا په هر سروائیورا واهگ کنێن، و ما وتی جندئے وڑ و پئیما، ما وت په وتی دۆست، کزن، همکار یا هتّا که په درامدێا هما مردم بوت کنێن. ما په کسێا هما مهپوزێن جاگه بوت کنێن که آییا گۆش بدارێن، تان آیان گوَشت بکنێن که اے آیانی ردی نه انت، بل تُری مارا بازێن مردمے نبوتگ که په ما اے کارِش بکتێن. وهدے ما گندێن که مردم گۆن سلبریٹی و نامدارێن مردمان ابیوز کننت، ما په آیان وتی سرکلانی تها اۆشتات کنێن و آیانی نُکسا کمتر کت کنێن.

‍

پی 2: اے پێش داریت که مٹ و بدلی مُمکن انت. یکجهتی، هئیالداری و مهکمیئے ربێدگے هم ردۆم گِرگا انت.

‍

پی 1: سروائیور وتی هکّانی بارئوا هبرا انت، تاوانبارێن رسمان چئیلنج کنَگا انت، و وتی زاتی بیانیاهئے سرا گر و دارا وتی دستا زورگا انت.

‍

پی 2: شما اشیئے تها تهنا نه اێت. و شما بێوس و نادزرس نه اێت.

‍

پی1: نون بیااێت اے بارئوا هبر کنێن که برزترێن لئیولێا چے کنگئے زلورت انت. چێا که فردی دراهی المّی انت، بله مارا سسٹئیمئیٹک مٹ و بدلی پکار انت.

‍

پی 2:  

سروائیور و زانتکار که انٹرویو کنَگ بوتگ انت، آیان مٹ و بدلیئے تچکێن مۆکه پجّاه آورتگ انت. ائول، په پالیسی اڈ کنۆک و کانون زانتان.

‍

پی 1: کانون باید په پُرنَنگێن و دۆد و ربێدگی زاتی اکسان شاهگان کنَگ ببنت. آ باید پجّاه بئیارنت که شنگ کنَگئے دهمکی، بل تُری اسلا شنگ کنَگ مبنت، هم ابیوزئے تهرے.

‍

پی 2: هر پئێمێن شنگ کنَگے که گۆن مردمئے رزایا نبوتگ که کسێئے ازّت، پرائیوێسی، سلامتی یا امانا نکسان دنت جرمے زانگ ببیت، اے چارگ مبیت که نِکانا چے مان.

‍

پی 1: پولیس، کانونساز و ججانا ٹک فئیسیلئیٹد جنڈر بئیسڈ وائیلنس، جنڈر هساسیت، و ٹراما انفارمڈ پسّئوانی سرا گهترێن ٹرئیننگئے زلورت انت.

‍

پی 1: و رپۆرٹ کنگئے انچێن مئیکئینزم و زوتّێن راه ببیت که آیانی بنکّی کار په سروائیوران ببنت. اڈهاک پسئو انّه، بله انچێن سٹئینڈرڈاییزڈ سسٹمے که په هرکسا کار بکنت.

‍

پی 1: په ٹکنالوجی پلئیٹفارمان، هما مٹ و بدَلی که پکار انت، آ هم گیشّتگ انت. کمیونٹی رهبند هاس هما تاوانانی تهرئے بارئوا ببنت که چه دۆد و ربێدگی بنیادا بنت.

‍

پی 2: گهترێن رپورٹنگئے راه و در مان الاکهی زبانان بئیگئے زلورت انت، گۆن ساپ و سلّهێن سر و سۆجا که رپورٹ چۆن کنَگ ببیت و دێما چے بیت.

‍

پی 1: کانٹنت مئوڈرئیشن ٹیم و اے آیی سسٹم باید انت دۆد و ربێدگی هسابا زانتکار ببنت. آ باید سرپد ببنت. آ باید سرپد ببنت که نکسان تهنا بێننگیئے هبر نه انت.

‍

پی 2: پلئیٹفارمانا تچکترێن، زوتّرێن پروسس پکار انت که شنگ بوتگێن چیزّان دور کت بکننت. و آ باید ٹرسٹد پارٹنر چئینلانی تها انوسٹ بکننت که سروائیور اشان کارمرز کت بکننت.

پی 1: و کمیونٹی و سول سوساییٹیئے گَلانی واستا، کارئے تها سرپدی دئیگ هئوار انت که امئیج بئیسڈ ابیوز تهنا جنسی اکسانی هبر نه انت.

‍

پی 2: مارا په جنێن و جنکّان ڈیجیٹل لٹرئیسیئے و آنلائن سئیفٹی رسئورسئے پرۆمۆٹ کنَگئے زلورت انت.

‍

پی 1: و مارا انچێن نٹورکئے زلورت انت که آیانی رهشۆن سروائیور ببنت و آیانی بنیاد کمیونٹی ببنت. انچێن جاگه که سروائیورانا کمکّ، هئیالداری، و یکجهتی برسیت که مارا پکار انت.

‍

پی 2: اے سجّهێن مٹ و بدلی سکّ لازمی انت. و اے سجّهێن مُمکن انت.

‍

پی 1: همے وهدا که ما په مزنێن مٹ و بدلیان کارا اێن، لهتێن انچێن گامگێج هم هست انت که ما په وتا زرتشَ کنێن، وهدے ما مارێن که ما تئیار اێن. مئے ڈو اٹ یوَرسلف آنلائن سئیفٹی رهبند گۆن سکّ باز تفسیلا اشیا هئوار انت بله ما لهتێن چیزّ ادا بئیان کنێن.

‍

 پی 2: اشیئے تها چیز، چۆ که ڈیجیٹل هدّ و سیمسر هئوار انت، اے پئیسله کنَگ که په ما کجام چیزّ انت که آنلائن سئیف انت، ما چے شنگ کنێن، و گۆن کئیا. مسالے، دۆستانا جست کنَگ چه اشیا ساری که آ مئے اکسان شنگ کننت، یا نوٹیفیکئیشنانی بند کنَگ.

‍

پی 1: و ڈیجیٹل سلف کێئر، چه سئوشل میڈیایا په کمّے وهدا دور بئیگ، وتی اکاوونٹانا گۆن مهکمێن پاسورڈان پرۆٹکٹ کنَگ، و هما چیزّانی کنَگ که ما ڈیجیٹل جاگهان گێشتر مهپوز مهسوس بکنێن. مردئے اے زۆر دئیگ که سئوشل میڈیائے سرا واپس بیااێت، زبردستیے بوت کنت. هما وهدا واپس بیئاێت که تئیار اێت و وتَ لۆٹێت. 

‍

پی 2: اے شمئے زمّهواری نه انت که گۆن شما ابیوز مبیت. بله اے انچێن ائوزار بوتَ کننت که شما گر و دارا وتی دستا بکنێت، وهدے شما تئیار بێت.

‍

پی 1: چه اشیا پێش که ما هلاس بکنێن، ما په شما پِر ترّگ لۆٹێن، شما، هما که انّون گۆش دارگا اێت. ما لهتێن راست شنگ کنَگ لۆٹێن و همے امێت دارێن که شما اشان په مهکمی داشتَ کنێت.

‍

پی 2: ائولی: گۆن شما چیزّے بیت، آییئے مئیار شمئے نه انت. ابیوز کنۆکا گچێن کتگ که شمارا نکسان دنت. اے گچێن همایانی انت، شمئے نه.

‍

پی 1: دومی: اے مسلهی جندے نه انت که شمارا چے گوَرا بوتگ، شما کجا بۆتگێت، شما کئیی سرا باور کتگ، یا کجام اکس شما شنگ کتگ انت. چه اشان هچّ چیز ابیوزارا شمئے ردی نکنت.

‍

پی 2: سئیمی: شمئے مارِشت برهکّ انت. وهدے ٹراما مارا اسر کنت، مئے مارشت بلکێن گۆن ترندیا چئول بجنت. بل تُری شما زهر بگرێت، بترسێت، شرمندگ ببێت، مان بگیشێت، وانگ ببێت یا چه اشان سجّهێن ببێت آ دمانا، شمئے مارشتان مانا هست.

‍

پی 1: چارُمی: امئیج بئیسڈ ابیوز اسلی ابیوزے. اے چُشێن چیزّے نه انت که کسان سمجگ ببیت یا په ما اش که ما بمارێن که مئے تجرُبت وڑے نه وڑێا "کمتر" انت.

‍

پی 2: پنچُمی: شما کمکّ کرزێت، ججمنٹ اِنّه. شما کرزێت که باور کنَگ ببێت، شما امان و ازّت کرزێت.

‍

پی 1: ششمی: دراهی مُمکن انت. اے بلکێن زوت مبیت و وهد بلگّیت. و دراهی هما رنگ و درۆشما که شماای لۆٹێت، بوتَ کنت.

‍

پی 2: هپتمی: شما اێوَک نه اێت. بازێن دگه جنێن یا سروائیورێا همے تجربت کتگ انت که شما چه آیان انّون گوَزگا اێت. مردم هست که سرپد بنت و شمارا تسَلّا دئیگ لۆٹنت.

‍

پی 1: و گڈسرا: شما وتی جندئے کسّهئے بئیانا کرزێت. اے ابیوز هما چیزّ انت که گۆن شما بوتگ، بله اے شمارا ڈفائن نکنت که شما کئے اێت.

پی 2: ما منّگ لۆٹێن که بازێن کمیونٹیئے تها، اے جێڑهانی سرا تچکا هبر کنَگ گران بوتَ کنت یا سکّ ترسناک بوتَ کنت. 

پی 1: اگن په شما اے مهپوز نه انت که شمارا تچکا کمکّ برسیت، پلیز، ائول وتارا مهپوز بکنێت. شما په اے رسئورسان پدا واپس آتکَ کنێت وهدے په شما جاورهال مهپوز بنت.

‍

پی 2: و اگن شمارا زوت کمک پکار انت، پلیز هما ادارهانی گوَرا برئوێت که امئیج بئیسڈ ابیوز و آییئے اسل اسلێن اسران سرپد بنت. ما سپئورٹ سروسانی انَارمئیشن و مئے گلئوبل ڈارکٹریئے انفارمئێشنا اے سئیشنئے نۆٹسانی تها مان کنێن. 

‍

پی 1: شما المّی اێت، شمئے امان المّی انت، و شمئے دراهی الّمی انت.

‍

پی 2: شمئے منّتوار اێن که مرۆچی شما ادا اێت و مارا گۆش دارگا اێت.

‍

پی 1: چه اشیا پێش که ما هلاس بکنێن بیااێت یک گُڈّی گراوونڈنگ اکسرساییزے کنێن که مارا گێگ بئیگا کمک کت کنت وتی پژمندهێن رۆچا واترّیا پێش.

‍

پی 2:  

اگن په شما مسلهے نه انت وتی یک دستے وتی دلئے سرا و دومیا لاپئے سرا اێر کنێت. وتی چمّان نزّ کنێت یا وتی نگاها نرم کنێت.

‍

پی 1: وتی دما بمارێت که رئوگ و آیگا انت. 

وتی دستا دلگۆش کنێت که شمئے لاپئے سرا بُرز و جهل بئیگا انت.

‍

پی 2: گۆن وتا بێتئواریا یا گۆن بُرزێن آوازا بگوَشێت: "من ادا آن. من اێوَک نئیان. من وت سرجم آن. په من کمکّ هست": دگه جُهلێن دمے بکشّێت.

 و وهدے شما تئیار اێت، نرم نرما وتی چمّان پچّ کنێت.

‍

پی 2: ما په شما پهر بندێن که شما ادا اێت. وتی هئیالا شرّ شرّیا بدارێت. 

اے مئے بلومئے بنیادا کسترێن سئیشنے ات که شما انگته مئے وبتاکئے سرا گپتی کنێت.

‍

پی 1: تان دێمی رندا که ما گندێن، شمارا اێمنی و دراهی برَسات.

‍